घरबहाल कर (Ghar Bahal Kar) : कसले, कति र कहाँ तिर्ने?

घरबहाल कर (Ghar Bahal Kar) भन्नाले कुनै व्यक्ति वा संस्थाले आफ्नो स्वामित्वमा रहेको घर, जग्गा वा कुनै संरचनालाई निश्चित अवधिको लागि प्रयोग गर्न दिएर त्यस बापत लिने बहाल वा भाडाको सरकारलाई तिर्नु पर्ने कर भनेर बुझिन्छ । स्थानीय सरकारको गठन पछि घरबहाल कर संकलनको अधिकार स्थानीय तहलाई दिइयो । स्थानीय सरकारले घरबहाल करलाई आफ्नो आम्दानीको मुख्य स्रोतका रुपमा लिन थालेपछि घरबहाल कर असुलीमा कडाई हुन थालेको हो । घरबहाल कर सम्बंधि आधारभूत जानकारी नहुँदा धेरै मानिसले जरिवानासमेत तिर्नुपरेको छ । त्यसैले घरबहालसम्बन्धी केही आधारभूत कुराहरु यो लेखमा चर्चा गर्नेछौँ ।